د پاکستان د شخړو او امنیتي څېړنو انسټیټیوټ په خپل وروستي راپور کې ویلي، چې د ۲۰۲۶ کال د اپرېل په میاشت کې د دغه هېواد امنیتي وضعیت د تېرې میاشتې په پرتله ښه شوی دی. د راپور له مخې، په دې موده کې د وسلوالو بریدونو شمېر او له امله یې رامنځته شوي تلفات د پام وړ کم شوي دي.
یاد انسټیټیوټ زیاتوي، چې دا کموالی د امنیتي تدابیرو د پیاوړتیا او د وسلهوالو ډلو پر وړاندې د عملیاتو د زیاتوالي پایله بلل کېږي. سره له دې، راپور ټینګار کوي چې لا هم په ځینو سیمو کې ګواښونه موجود دي او بشپړ ثبات ته د رسېدو لپاره لا زیاتو هڅو ته اړتیا ده.
کارپوهان باور لري، که څه هم دا پرمختګ مثبت بلل کېږي، خو د دوامدار امنیت د ټینګښت لپاره باید د ترهګرۍ پر ضد مبارزه په منظم او دوامدار ډول تعقیب شي.
لیکوال:سعید سمیر
