دې امریکا یوه فدرالي قاضي د مشهور میلیاردر، جیفري اپسټین، لیک خپور کړی دی چې ویل کېږي هغه دا لیک د ۲۰۱۹ کال په زندان کې د خپلې مړینې نه مخکې خپل یو ملګري ته لیکلی و.
اپسټین په دې لیک کې په خپل لاسلیک سره ادعا کړې چې د میاشتو څېړنو سربېره هم د ده پر ضد کوم کره شواهد ندي موندل شوي. هغه په لیک کې په عجیبه توګه لیکلي: «دا یو فرصت دی چې انسان پخپله د ښه وخت ټاکنه وکړي… ایا غواړئ زه ژاړم؟ نه، دا د دې ارزښت نه لري.»
د جیفري اپسټین دوسیه، چې د نړۍ د شتمنو او ځواکمنو کسانو سره د هغه د اړیکو په اړه ادعاوې شتون لري، د دې نوي لیک د خپرېدو وروسته یو ځل بیا د نړیوالو رسنیو د پام مرکز ګرځېدلې ده.
لیکوال:سعید سمیر
