د طالبانو د نورستان ولایت د والي ویاند فریدون صمیم ویلي، چې د دوشنبې په ورځ د ختیځ نورستان د برګمټال ولسوالۍ په بېلابېلو سیمو کې د سختو سېلابونو له امله شاوخوا ۸۰ استوګنیز کورونه ویجاړ شوي دي.
د نوموړي په وینا، په دغو سېلابونو کې درې ماشومان لادرکه شوي او یو شمېر څاروي هم تلف شوي دي. هغه زیاته کړې، چې د زیانونو د دقیقې ارزونې او د لادرکه شویو ماشومانو د موندلو لپاره هڅې روانې دي.
تر اوسه د انساني تلفاتو په اړه نور جزئیات نه دي خپاره شوي، خو سیمهییز چارواکي وايي، د وروستیو بارانونو له امله د سېلابونو خطر لا هم پر ځای دی او له خلکو یې غوښتي چې د سیندونو او سېلابځپلو سیمو له نږدې کېدو ډډه وکړي.
لیکوال:سعید سمیر
