لیکواله:سلیمه آریایي
راپورونه وايي چې په وروستیو جګړو کې، د ایران له خوا یوه بې پيلوټه الوتکه د امازون د ډاټا سنټرونو د برید هدف ګرځولی ده، چې شاوخوا ۱۵۰ میلیونه ډالر زیان یې اړولی دی. تر اوسه پورې د برید د دقیق ځای او نهایي زیان په اړه رسمي معلومات نه دي خپاره شوي.
د ډاټا سنټرونه د ډیجیټال دورې له مهمو بنسټونو څخه ګڼل کېږي او د معلوماتو ذخیره کولو، پروسس کولو او لیږدولو کې اساسي رول لري. دا مرکزونه د ګڼ شمېر شرکتونو، ادارو او عامه خدماتو لپاره د فعالیت بنسټیزه برخه دي.
کارپوهان وایي چې د دې پېښې کچه یوازې د یوه تجارتي شرکت زیان نه دی، ځکه چې ډاټا سنټرونه یوازې د معلوماتو ذخیره کولو ځای نه دي، بلکې د بانکي سیسټمونو، مالي خدماتو او ارتباطي شبکو یوه مهمه برخه هم ورته تړلې ده.
سربېره پر دې، په ګڼو هېوادونو کې ځینې امنیتي او عملي پلانونه هم د ډیجیټال بنسټونو او ډاټا سنټرونو پورې تړاو لري. نو ځکه، د دې مراکزو هر ډول ګډوډۍ کولی شي پراخې اقتصادي او تخنیکي اغېزې ولري.
د امازون شرکت او اړوند رسمي چارواکو تر اوسه پورې په دې راپور کې د تفصیلونو په اړه پراخ غبرګون نه دی ښودلی.
