د طالبانو د ادارې سفارت په عربي متحده اماراتو کې اعلان کړی دی چې بدرالدین حقاني، د دې ادارې استازي په ابوظبي کې د “شيخ خليفه جايزې” د پرانیستلو په مراسمو کې ګډون کړی دی. دغه خبر د جمعې په ورځ د ایکس ټولنیزې شبکې له لارې خپور شو.
د ورکړل شوو معلوماتو پر بنسټ، دغه مراسم د عربي متحده اماراتو د یو شمېر لوړ پوړو مقاماتو په ګډون ترسره شوي دي. د ګډونوالو په توګه شیخ منصور بن زاید آل نهیان، د عربي متحده اماراتو د ولسمشر مرستیال، او شیخ نهیان بن مبارک آل نهیان، د دې هېواد د تساهل او همزیستۍ وزیر، یاد شوي دي. همداراز، ډيپلوماټان او د نړيوالو بنسټونو استازو هم په دې پروګرام کې ګډون کړی وو.
تر اوسه پورې د دې مراسمو په حاشیه کې د احتمالي لیدنو یا د ترسره شوو خبرو جزئیات خپاره شوي نه دي. خو، د طالبانو د ادارې د استازو ګډون په داسې مهمو پېښو کې کولی شي چې د ډيپلوماټیکو تعاملاتو او اړیکو په چوکاټ کې د پام وړ وي.
لیکواله:سلیمه آریایي
