د روغتیا نړیوال سازمان (WHO) ویلي چې په اټلانټیک سمندر کې د «MV Hondius» کروز کښتۍ کې درې کسانو خپل ژوند له لاسه ورکړی دی.
د هانټا ویروس یوه پېښه په قطعي ډول ثبت او پنځه نورې مشکوکې پېښې هم پېژندل شوي دي. دغه کښتۍ له ارجنټاین د اوسوییا ښار څخه د مرکزي افریقا «شنې څنډې» ته روانه وه.
د شپږو کسانو له ډلې چې د ویروس سره اخته شوي، درې کسان مړه شوي او یو بل په جنوبي افریقا کې د جوهانسبورګ په روغتون کې په شدیدو مراقبتونو کې بستر دی.
هانټا ویروس عموماً د ښخو، بولو یا د کوچنیو څاویو د خولې (لعاب) له لارې انتقالیږي، که څه هم د انسانانو په منځ کې یې د محدود انتقال امکان لري.
لومړنی ناروغ ۷۰ کلن سړي وو چې په کښتۍ کې مړ شو. د هغه ۶۹ کلنه ښځه هم وروسته له دې چې جنوبي افریقا ته انتقال شوه، مړه شوه. درېیم قرباني د ۶۹ کلن بریټانوي تابعیت لرونکی دی چې اوس په جوهانسبورګ روغتون کې دې درملنې لاندې دی.
تدروس اډهانوم، د روغتیا نړیوال سازمان مشر، ویلي چې دغه سازمان د ناروغانو د طبي تخلیې، د خطر ارزونې او د مسافرو د ملاتړ لپاره همغږي کوي.
کښتۍ «Hondius» د هالنډ یوې کمپنۍ پورې اړه لري او شاوخوا ۱۷۰ مسافر او ۷۰ عمله لري. د ویروس احتمالي منبعې د پېژندلو او د خپرېدو د کنټرول لپاره تحقیقات روان دي.
لیکواله:سلیمه حکیمي
