د امریکا د دفاع وزیر پیټ هګسټ اعلان کړی چې د دې هېواد ماموریت د تجارتي کښتيو د ساتنې لپاره په هرمز تنګه کې موقتي دی او په راتلونکي کې نور هېوادونه باید د دې مسوولیت پر غاړه واخلي.
واشنګټن پوسټ ورځپاڼې د سه شنبې، د می ۵ مه، راپور ورکړی چې دغه څرګندونې په داسې حال کې شوي چې په سیمه کې کړکېچونه لا هم روان دي، خو د ایران سره یو ماتوونکی اوربند رامنځته شوی دی.
هګسټ ویلي، د دې ماموریت موخه په هرمز تنګي کې د تجارتي کښتيو د تګ راتګ امنیت تأمین کول دي او امریکا د دې سیمه کې د دایمي حضور پلان نه لري.
هغه همدارنګه ټینګار کړی چې په راتلونکي کې نور هېوادونه باید د دې مهمې سمندري لارې د امنیت په تأمین کې زیات رول ولوبوي او د دې مسوولیت پر غاړه واخلي.
د امریکا د دفاع وزیر زیاته کړې چې د امریکایي کښتيو پر ځینو وروستیو بریدونو سره سره، د ایران سره د اوربند وضعیت لا هم دوام لري.
لیکواله:سلیمه آریایي
