زهران ممداني، د نیویارک چپ ګرا ښاروال، اعلان کړی دی چې که چیرې له پادشاه چارلز سره د لیدو فرصت برابر شي، نو هغه به د تاریخي الماس کوه نور اصلي مالکانو ته د راستنولو موضوع مطرح کړي. دغه خبره هغه د یوې رسمي لیدنې په درشل کې کړې ده.
ممدانی باید د سپټمبر د ۱۱مې د بریدونو په یادښت کې ره پادشاه چارلز او ملکه کامیلا سره وګوري. هغه مخکې له دې لیدنې ویلي وو چې اراده لري د بریټانیا له پادشاه سره د دغه ۱۰۶ قیراطه قیمتي ډبرو د راستنولو خبره وکړي.
کوه نور الماس په ۱۸۴۹ کال کې او د پنجاب د سولې تړون وروسته ملکې ویکتوریا ته ورکړل شو. دغه قیمتي ډبره مخکې له دې په بېلابېلو دورو کې د مغولي امپراتورانو، ایرانی شاهانو او سیک مهاراجو پورې اړوند وو او اوس مهال د لندن په برج کې ساتل کیږي.
که څه هم هند د دې الماس د راستنولو اصلي غوښتونکی دی، خو د افغانستان، ایران او پاکستان هېوادونو هم په تیرو کلونو کې د دې د ملکیت ادعا کړې ده. دا موضوع تل د تاریخی میراث په اړه یوه جنجالي مسله پاتې شوې ده.
د ممدانی او پادشاه چارلز د لیدنې خپاره شوي عکسونه ښیي چې دوی په یادبود کې یو له بله سره خبرې کړې او رسمي او دوستانه لیدنه درلودل. خو د دې خبرو جزئیات لا تراوسه نه دي خپاره شوي.
په همدې حال کې، ځینې سیاسي جریانونه په بریټانیا کې د نیویارک د ښاروال خبرې نامناسبې بللي او ټینګار یې کړی چې کوه نور الماس به لا هم په د لندن برج کې پاتې شي.
