د بشري حقونو سازمان ههنګاو ویلي، ایراني چارواکو د یو افغان وګړي په ګډون درې تنه د یزد په مرکزي زندان کې اعدام کړي دي.
د دغه سازمان د معلوماتو له مخې، ۲۷ کلن نور جلال، چې د بادغیس ولایت اوسېدونکی و، د چهارشنبې ورځې په لومړیو ساعتونو کې د یزد په مرکزي زندان کې اعدام شوی دی.
ههنګاو زیاتوي چې نوموړی شاوخوا دوه کاله وړاندې د نشهیي توکو اړوند په یوه قضیه کې نیول شوی و او وروسته د ایران محکمې پرې د اعدام حکم صادر کړی و.
د راپور له مخې، نور جلال له دوو نورو بندیانو سره یوځای اعدام شوی، خو ایراني چارواکو تر اوسه په دې اړه رسمي څرګندونې نه دي کړې.
لیکوال:سعید سمیر
