د افغانستان پخوانی خبریال، بشیر هاتف، د ۱ کال بند له تېرولو وروسته د بګرام له زندانه آزاد شو. د هغه د آزادي د افغانستان د خبریالانو د مرکز له هرکلي سره مخ شوه.
د افغانستان د خبریالانو مرکز اعلان کړی چې د بشیر هاتف د نیولو او محاکمې په بهیر کې د هغه بنيادي حقوق، لکه د عادلانه او منصفانه محاکمې حق، تر پښو لاندې شوي وو. دغه بنسټ د خبریالانو قضیو ته د رسیدګۍ په برخه کې د حقوقي اصولو پر رعایت ټینګار کړی دی.
د یاد بنسټ په وینا، د بشیر هاتف ازادي باید له پیله نه وای سلب شوې او د هغه نیول د حقوقي اصولو او د عادلانه محاکمې له معیارونو سره سمون نه درلود. د افغانستان د خبریالانو مرکز د قضايي پړاوونو په ټولو پړاوونو کې د اسخاصو د اساسي حقوقو پر رعایت ټینګار کړی دی.
بشیر هاتف د افغانستان له مخکښو او تجربه کارو خبریالانو څخه ګڼل کېږي. تېر کال د هغه نیول د رسنیو ملاتړو بنسټونو او د بیان د ازادۍ فعالانو له غبرګون او اندېښنو سره مخ شوي وو.
د افغانستان د خبریالانو مرکز همدا راز له مسؤلو چارواکو غوښتي چې د خبریالانو او رسنیزو فعالانو حقونو ته په درناوي سره، په هېواد کې د رسنیو د ازاد، مسلکي او مصون فعالیت زمینه برابره کړي.
لیکواله:سلیمه آریایي
