سرچینې وایي چې د طالبانو یو پلاوی د دې ډلې د کورنیو اختلافاتو د هواري لپاره د بدخشان ناراضه قوماندان، جمعهخان فاتح، د جمعې په ورځ فیضاباد ښار ته لېږدولی دی.
د سرچینو په وینا، جمعهخان فاتح وروسته له هغه فیضاباد ته د تګ هوکړه وکړه چې د طالبانو د پوځ د لوی درستیز، فصیحالدین فطرت، له لوري ورته «ډاډ» ورکړل شو. فصیحالدین فطرت د طالبانو له یوه پلاوي سره د پنجشنبې په ورځ نسي ولسوالۍ، چې د فاتح د حضور او اصلي اډې ځای بلل کېږي، ته تللی او له هغه سره یې لیدلي وو.
سرچینې وایي، د دغو لیدنو موخه په بدخشان کې د طالبانو د چارواکو ترمنځ د اختلافونو هوارول او د کړکېچ کمول وو. خو د دواړو لورو ترمنځ د شویو هوکړو په اړه نور جزئیات نه دي خپاره شوي.
په همدې حال کې، هغه انځور چې رسنیو ته رسېدلی، جمعهخان فاتح د طالبانو د پلاوي له غړو سره یوځای په فیضاباد ښار کې ښيي. طالبانو تر اوسه په رسمي توګه په دې اړه څه نه دي ویلي.
لیکواله:سلیمه آریایي
