د افغانستان د آزادۍ جبهې جنګیالي ادعا کوي چې د شنبې ورځې په سهار یې د بدخشان ولایت د بهارک ولسوالۍ په اړوند سیمه کې د طالبانو پر یوه کنډک څو راکټي بریدونه کړي دي.
د دغې جبهې په وینا، په برید کې له مخکې ټاکل شوي نظامي اهداف په نښه شوي او نښتې شاوخوا شل دقیقې دوام کړې وه.
د آزادۍ جبهې سرچینې وایي، د طالبانو د احتمالي تلفاتو کره شمېر لا نه دی معلوم، خو ادعا کوي چې د دوی ځواکونو ته په عملیاتو کې کوم زیان نه دی اوښتی.
طالبانو تر اوسه د دغې ادعا په اړه څه نه دي ویلي او د پېښې په اړه یې رسمي غبرګون نه دی ښودلی.
لیکوال:سعید سمیر
