ملک ستېز، د سیاسي چارو شنونکي، پر اشرف غني سختې نیوکې کړي او ویلي یې دي چې طالبان نن هغه پایلې ترلاسه کوي چې د هغو پرېکړو له امله رامنځته شوي دي چې د جمهوریت نظام د سقوط او د افغانستان د اوسني بحران لامل شوې.
ستېز په خپلې اېکس پاڼه کې لیکلي چې اشرف غني باید د هېواد د پرېښودو او پناه اخیستو پر ځای، خپلې هغې ژمنې ته وفادار پاتې شوی وای چې لوګر ته به ځي او کتاب به لیکي.
هغه ټینګار کړی چې طالبان د جمهوریت د نظام د ړنګېدو، د زرګونو سرتېرو د وژل کېدو او د افغانستان د میلیونونو ښځو او نجونو د راتلونکي د له منځه تلو د اشرف غني پوروړي بولي.
دغه سیاسي شنونکي همدارنګه ویلي چې د پخواني حکومت د رهبرۍ پرېکړو او کړنو د نظام د ړنګېدو او واک ته د طالبانو د بېرته ستنېدو زمینه برابره کړه؛ هغه موضوع چې لا هم له پراخو غبرګونونو او نیوکو سره مخ ده.
په ۲۰۲۱ کال کې د کابل له سقوط وروسته، د اشرف غني د رول په اړه نیوکې لا هم دوام لري، او یو شمېر منتقدین هغه د سیاسي بحران او د پخواني نظام د ړنګېدو له اصلي لاملونو څخه ګڼي.
لیکواله:سلیمه آریایي
