د طالبانو مخالفې ډلې، مقاومت جبهې ادعا کړې چې د بدخشان ولایت د ارګو–کشم دوهلارې په «باغشاه» سیمه کې یې د طالبانو پر یوې پوستې تاکتیکي برید کړی چې له امله یې یو طالب وژل شوی او بل ټپي شوی دی.
د جبهې په خبرپاڼه کې راغلي چې دغه برید د چهارشنبې شپې شاوخوا ۱۱ بجې ترسره شوی او تر عملیاتو وروسته یې ځواکونه خپلو سنګرونو ته په خوندي ډول ستانه شوي دي. د جبهې په وینا، په عملیاتو کې ملکي وګړو ته زیان نه دی اوښتی.
مقاومت جبهې همداراز ویلي چې د هېواد په بېلابېلو سیمو کې به د طالبانو پر وړاندې خپل هدفمندو بریدونو ته دوام ورکړي.
طالبانو تر اوسه د دغې ادعا په اړه څه نه دي ویلي، او خپلواکو سرچینو هم د دې ادعا پخلی نه دی کړی.
لیکوال:سعید سمیر
