د امریکا ولسمشر ډونالډ ټرمپ اعلان کړی، چې د روسیې او اوکراین ترمنځ جګړه کې به د مې له ۹مې تر ۱۱مې پورې درې ورځنی اوربند نافذ شي.
ټرمپ په خپلې «ټروث سوشل» پاڼې لیکلي، چې د یادې مودې پر مهال به ټول پوځي بریدونه او جګړه ییز فعالیتونه ودرول شي. هغه زیاته کړې، چې دواړه هېوادونه به په همدې وقفه کې د بندیانو چټکه تبادله هم ترسره کړي.
د نوموړي په وینا، دا لنډ مهالی اوربند د تاوتریخوالي د کمېدو او د احتمالي سیاسي تفاهم لپاره یو مهم ګام بلل کېږي. تر اوسه روسیې او اوکراین په رسمي ډول د دې اعلان په اړه څه نه دي ویلي.
لیکوال:سعید سمیر
