د ۲۰۲۶ کال د فوټبال نړیوال جام د اتلولۍ د جام د سپارلو په مراسمو کې، د امریکا متحده ایالاتو ولسمشر ډونالډ ټرمپ او د فوټبال نړیوال فدراسیون مشر جیاني اینفانتینو، د نیویارک–نیو جرسي لوبغالي میدان ته د ننوتلو پر مهال د نندارچیانو د یوې برخې له منفي غبرګون سره مخ شول او له سټیډیوم څخه د اعتراض غږونه واورېدل شول.
د رویټرز خبري اژانس د راپور له مخې، جیاني اینفانتینو د مراسمو له پیل مخکې اعلان کړی و چې ډونالډ ټرمپ به د پایلوبې ګټونکې لوبډلې ته د اتلولۍ جام وسپاري. دا اقدام له مخکې د مراسمو په رسمي پروګرام کې شامل شوی و.
د دغو سیالیو په پایلوبه کې، د هسپانیا ملي لوبډلې ارجنټاین ته په ۱–۰ ماته ورکړه او د ۲۰۲۶ کال د نړیوال جام اتلولي یې خپله کړه. هسپانیا د لوبې له پای ته رسېدو وروسته د لومړي ځل لپاره د نړیوال جام اتلولۍ جام پورته کړ.
د مډالونو او جام د سپارلو د رسمي مراسمو له پیل سره، د لوبغالي فضا ارامه شوه او د نندارچیانو اعتراضونه پای ته ورسېدل. ټرمپ او اینفانتینو د دواړو لوبډلو لوبغاړو او د روزنیز کادر غړو ته مډالونه ورکړل، او په پای کې یې د هسپانیا د ملي لوبډلې کپټان ته د اتلولۍ جام وسپاره.
لیکواله:سلیمه آریایي
