د خیبر پښتونخوا د مردان ولسوالۍ د کاټلنګ سیمې په ساولډهېر کې د پاکستان د پوځ یوه روزنیزه الوتکه د عادي روزنیز ماموریت پر مهال وغورځېده، چې له امله یې د قاسم عبدالله او طلحه عباسي په نومونو دوه پیلوټان وژل شوي دي.
ځایي سرچینې وایي، د الوتکې د لوېدو پر مهال دوه تنه لارویان هم سخت ټپیان شوي او د درملنې لپاره روغتون ته لېږدول شوي دي.
پاکستاني چارواکو د الوتکې غورځېدل تایید کړي، خو د پېښې د علت او نورو جزییاتو په اړه یې تر اوسه معلومات نه دي خپاره کړي. د راپورونو له مخې، د پېښې د لاملونو د معلومولو لپاره پلټنې پیل شوي دي.
لیکوال:سعید سمیر
