آصف دراني، د پاکستان پخوانی ځانګړی استازی د افغانستان په چارو کې، وايي چې د ډونالډ ټرمپ څرګنده ملاتړ د پاکستان د منځګړیتوب د امرکا او ایران تر منځ له رول څخه ښکتري چې د اسلامآباد دیپلوماټیک اهمیت په سیمه کې زیات شوی دی.
دراني په خپل ایکس پاڼه کې لیکلي چې پاکستان په حساس وضعیت کې دی، له یوې خوا باید خپلې اړیکې له امریکا وساتي او له بلې خوا باید له ایران سره خپل مناسبات ټینګ وساتي.
هغه زیاته کړې چې د منځني ختیځ دوامداره کړکېچونه، د سیمهییزو قدرتونو سیالۍ او د ایران، اسرائیل او امریکا وروستۍ جګړې پایلې دغه توازن ستونزمن کړی دی.
هغه خبرداری ورکړی چې د فارس خلیج او منځني ختیځ دوامداره بېثباتي کولی شي نیابتي ډلې پیاوړې کړي او افغانستان بیا د سیمهییزو سیالیو ډګر وګرځي.
دراني همدارنګه ویلي چې هند ممکن له روانو ناامنیو ګټه پورته کړي او د پاکستان ضد ډلو په ملاتړ د پاکستان امنیتي زیانونو هدف وګرځوي.
هغه ټینګار کړی چې پاکستان باید د کړکېچونو کمولو، رغنده دیپلوماسي اقتصادي همکاریو او د نیابتي جګړو د بیا پیل مخنیوي باندې تمرکز وکړي.
لیکواله:سلیمه حکیمي
