ځایي سرچینې د بدخشان ولایت په راغستان ولسوالۍ کې د ۱۲ کلنې نجلۍ د وژنې خبر ورکوي.
د ورکړل شوو معلوماتو پر بنسټ، دا نجلۍ بیبی خدیجه نومېده او د نورمحمد لور وه. د پنجشنبې، د غویي په ۱۰ مه، د راغستان ولسوالۍ د دهگه خلدسک کلي کې وژل شوې ده.
نږدې کسانو ویلي چې دغه پېښه هغه وخت شوې کله چې بیبی خدیجه د څښاک اوبو د راوړلو لپاره له کوره بهر وتلې وه. د نږدې نیم ساعت وروسته د هغې نه راستنېدو، مور او خور یې د لټون لپاره له کوره ووتې.
هغوی د نجلۍ جسد د اوبو یوې څاه ته نږدې په یوه خالي سیمه کې موندلی دی. ځایي سرچینو ویلي چې پر جسد یې د وهل ټکولو نښې لیدل شوي وي او غاړه یې هم پرې شوې وه؛ چې دا د دوی په وینا د سخته وینو تویېدنه یې د مړینې لامل شوی دی.
تر اوسه د دې قتل عامل یا څرنګوالی په رسمي ډول معلوم نه ده، خو ځینې سرچینې اټکل کوي چې دا پېښه ممکن د جنسي ناوړه ګټې اخیستنې سره تړاو ولري.
د دې پېښې په تعقیب، څایي طالبانو د قرباني پلار د نورو معلوماتو لپاره غوښتی. همدارنګه د دې پېښې په تړاو شپږ کسان نیول شوي وو، چې اوس یوازې یو کس د ګاونډي کلي له اوسیدونکو څخه د دې قتل په تور په بند کې پاتې دی.
لیکواله:سلیمه آریایي
