د طالبانو د حکومت له لوري د کور او ښار جوړونې د وزارت معین او د هزاره شیعه لږو مقامونو له ډلې څخه یو، مدار علي کریمي، له شیعه ګانو سره د طالبانو د ځواکونو د چلند له امله بښنه غوښتې ده.
کریمي د کابل لوېدیځ کې د محرم د نهم په مناسبت په مراسمو کې له شیعه ګانو سره د چلند پر څرنګوالي نیوکه وکړه او ویې ویل چې د محرم پر مراسمو لګېدلي محدودیتونه او همدارنګه د ځینو کسانو نیول یې د طالبانو له لوړپوړو چارواکو سره شریک کړي دي.
هغه همدارنګه وویل چې د طالبانو د رئیسالوزرا ځینې فرمانونه په بشپړه توګه نه دي عملي شوي او د دې موضوع د جدي رسیدګي پر اړتیا یې ټینګار وکړ.
دا څرګندونې په داسې حال کې کېږي چې په وروستیو ورځو کې د افغانستان په ځینو سیمو کې د محرم پر مراسمو د محدودیتونو او د ځینو کسانو د نیول کېدو راپورونه خپاره شوي دي.
لیکواله:سلیمه آریایي
