د افغانستان د بدنجوړونې او فټنس ملي لوبډلې د سویلي آسیا د شپاړسم پړاو سیالیو کې د ۳ سرو زرو مډالونو، ۳ د سپینو زرو مډالونو، ۴ د برونزو مډالونو او ۲ څلورم مقامونو په ګټلو سره د نارینهوو په برخه کې درېیم مقام خپل کړ.
د افغانستان ورزشکارانو د دغو سیالیو په ترڅ کې د ۲ قضاوتي سندونو ترلاسه کولو بریا هم خپله کړه، چې د دې سیالیو له نورو مهمو لاسته راوړنو څخه ګڼل کېږي.
د سویلي آسیا شپاړسم دور سیالۍ د ۸ هېوادونو د استازو په ګډون د بوتان په کوربهتوب ترسره شوې، او افغان ورزشکارانو پکې د پام وړ ښه فعالیت وښود.
د افغانستان ملي لوبغاړي دا ویاړ په داسې حال کې ترلاسه کوي چې ټاکل شوې د روان میلادي کال په پاتې برخه کې په آسیايي او نړیوالو سیالیو کې هم د افغانستان استازیتوب وکړي.
لیکواله:سلیمه آریایي
