په نواپاس کې د باجوړ او کونړ د قومي مشرانو ترمنځ شوې جرګه کې د يو پرېکړه ليک له مخې د دواړو لورو ترمنځ په سرحدي سيمه کې د اوربند د ټينګښت هوکړه شوې ده.
د پرېکړه ليک له مخې، اوربند به د دانګام ولسوالۍ له سيمو څخه تر سپين جومات پورې عملي کېږي، او د دې پرېکړې په چوکاټ کې به اړوند لوري بېرته خپلو پخوانيو مرکزونو ته ستنېږي.
په سند کې دا هم راغلي چې ياده جرګه ېي جوړښت د دواړو اړخونو د طالبانو او پاکستاني اړخ په مشوره رامنځته شوې او هدف يې د سيمهييزو شخړو کمول او د ثبات ټينګول دي.
همدارنګه پرېکړه شوې چې که هر لوری دغه هوکړه تر پښو لاندې کړي، د هغې مسووليت به پر غاړه لري. د هوکړې د دوام او څار لپاره به هر درې مياشتې وروسته يوه ګډه غونډه هم ترسره کېږي.
دا پرېکړه د سيمې د تاوتريخوالي د کمولو او د دوامدار تفاهم د رامنځته کولو په موخه مهم ګام بلل کېږي.
لیکوال: سعید سمیر
