په بدخشان کې د طالبانو د اطلاعاتو او کلتور ریاست وايي، چې د دغه ولایت په یمګان ولسوالۍ کې د ځمکې ښویېدو له امله د یوې کورنۍ څلور ماشومان مړه شوي دي.
د یاد ریاست په وینا، دا پېښه د جمعې په ورځ له غرمې مخکې د وجن او شنګان علیا په کلي کې رامنځته شوې ده.
چارواکي زیاتوي، چې د پېښې قرباني شوي ماشومان د یوې کورنۍ غړي وو او عمرونه یې له ۱۰ تر ۱۵ کلونو پورې رسېدل.
د پېښې د نورو جزئیاتو او احتمالي زیانونو په اړه تر اوسه نور معلومات نه دي ورکړل شوي.
لیکوال:سعید سمیر
