په بغلان ولایت کې ځايي سرچینې وايي چې د شنبې ماښام شاوخوا ۹:۱۵ بجې، د «جر خشک» په سیمه کې د زاړه ښار په مربوطاتو کې د طالبانو د ځواکونو د ګزمې یو موټر د برید هدف ګرځېدلی دی.
د دغو سرچینو په وینا، په دې پېښه کې لږ تر لږه څلور طالبان وژل شوي او ټپیان شوي دي. خو د وژل شویو او ټپیانو کره شمېر او د هغوی روغتیايي وضعیت تر اوسه نه دی معلوم.
ځايي سرچینو د برید د ډول او د پېښې د څرنګوالي په اړه هم نور جزیات نه دي وړاندې کړي. په دې اړه شته معلومات لا هم تر څېړنې لاندې دي.
د طالبانو سیمهییزو چارواکو تر اوسه په رسمي ډول د دې چاودنې د رامنځته کېدو او د دغه ډلې د ځواکونو د مرګژوبلې په اړه څه نه دي ویلي.
لیکواله:سلیمه آریایي
