په هرات کې د طالبانو پوځي چارواکي وايي، چې د اسلام کلا لوې لارې په کنډک کې موظفو ځواکونو د «خزانې موندنې» ۱۰ دستګاوې کشف او ضبط کړي دي.
د هرات د طالبانو د لوې لارې کنډک قوماندان، سیفالدین صفتالله، ویلي چې د دغو دستګاوو د لېږد په تړاو یو کس نیول شوی دی.
په هرات کې د باختر خبري اژانس ولایتي څانګې (سېشنبې، د زمري۲۰ مه) د صفتالله په حواله راپور ورکړی چې دغه دستګاوې د ځمکې لاندې د فلزي شیانو د موندلو لپاره کارول کېږي.
د یادې رسنۍ د راپور له مخې، د نیول شوي کس دوسیه به د طالبانو قضايي ادارو ته وسپارل شي.
طالبانو د تاریخي اثارو د موندلو، استخراج او پېر او پلور شخصي فعالیتونه «غیرقانوني» بللي دي.
د دې ډلې د اطلاعاتو او کلتور وزارت له خلکو غوښتي چې که هر ډول تاریخي اثر ومومي، باید هغه د اطلاعاتو او کلتور اړوندو سیمهییزو ریاستونو ته وسپاري.
لیکواله:سلیمه آریایي
