لیکواله:سلیمه آریایي
د طالبانو د کورنیو چارو وزارت د عامه پولیسو ریاست اعلان کړی چې کابل ښار ته د ۲۴۳ بې اسناده موټرو د ننوتلو مخه نیول شوې ده.
د دې ادارې په وینا، ۱۲۶ نور بې اسناده موټر هم په ښار کې ضبط شوي او د پولیسو حوزو ته لیږدول شوي دي.
مسئولینو ویلي چې دغه اقدام د ښار د امنیت تامینولو او غیر قانوني فعالیتونو د مخنیوي لپاره ترسره شوی دی.
په همدې حال کې، د کابل یو شمېر وګړو د پخوا په څیر د اسنادو د کتنې په بهیر او د ډرایورانو سره د چلند په اړه خپل اندېښنې څرګندې کړې دي.
کارپوهان د ښاري چارو په اړه ټینګار کوي چې د امنیت تامین باید د ښاروندانو د حقونو درناوي سره او د شکایتونو د رسېدو لپاره یو واضح او شفاف میکانیزم جوړ شي.
