د تایلنډ پولیسو اعلان کړی چې یوه ۲۴ کلن فوټبال لوبغاړي د فوټبال لوبې پر مهال د تندر د لګېدو له امله خپل ژوند له لاسه ورکړی.
د پولیسو د معلوماتو له مخې، «سوفوان آوای» د سې شنبې په ورځ وروسته له هغه سخت ټپي شو چې د تایلنډ په سوېل کې د «سانتيفاپ» لوبغالي پر ځمکه تندر ولګېد.
د ځايي چارواکو په وینا، سره له دې چې د بېړنیو طبي مرستو ټیمونو د هغه د ژغورلو هڅه وکړه، خو نوموړي د سختو ټپونو له امله ژوند له لاسه ورکړ.
د تایلنډ پولیسو هم ویلي چې په دې پېښه کې ۱۲ نور لوبغاړي ټپیان شوي او د درملنې لپاره روغتون ته لېږدول شوي دي.
لیکواله:سلیمه آریایي
