بشردوست وايي، د طالبانو حکومت تل هڅه کړې چې خپل نظام د تېر جمهوري حکومت له ادارې متفاوت وښيي او د خپلو مشرانو او چارواکو ساده ژوند د خپلې واکمنۍ له ځانګړنو څخه وبولي.
خو د هغه په باور، د واک د بڼې او د چارواکو د جامو له توپیر پرته، د تشریفاتو، امنیتي ساتونکو، دولتي موټرو او حکومتي امتیازونو په برخه کې د دواړو نظامونو ترمنځ بنسټیز بدلون نه دی راغلی.
نوموړی زیاتوي چې په ځینو مواردو کې د طالبانو چارواکي تر پخوانیو حکومتي چارواکو هم په تشریفاتو او تجملاتو کې ډېر ښکېل شوي دي.
د طالبانو حکومت په وروستیو کلونو کې د دولتي وسایطو او امنیتي تشریفاتو په اړه بېلابېل اقدامات کړي، خو د چارواکو د امتیازاتو او تشریفاتو په اړه نیوکې لا هم مطرح کېږي.
لیکوال:سعید سمیر
