د غزني ولايت په مرکز کې د نواباد سیمې د بزازي مارکېټ په شاوخوا کې د بېپيلوټه الوتکې د برید خبر ورکړل شوی،ځايي سرچینې وايي چې دا پېښه د تېرې ورځې په ترڅ کې رامنځته شوې ده. تر اوسه د احتمالي زیانونو یا تلفاتو په اړه رسمي معلومات نه دي خپاره شوي.
د معلوماتو له مخې، دا په تېرو اوو ورځو کې په غزني کې دويم ځل دی چې د هوا له لارې برید ترسره کېږي، خو په دواړو پېښو کې لا تر اوسه دا نه ده روښانه شوې چې کوم هدفونه په نښه شوي وو.
طالبانو د دې وروستیو هوايي بریدونو په اړه تر دې دمه کوم رسمي دریځ نه دی ورکړی او نه یې د برید د ترسره کوونکو په اړه څه ویلي دي.
لیکوال:سعید سمیر
