ډاکټر عبدالله عبدالله نن د قطر دولت سفارت ته ولاړ او هلته یې د ارواښاد شیخ حمد بن خلیفه آل ثاني د غمرازۍ په دفتر کې خپل د خواخوږۍ او تسلیت پیغام ولیکه.
هغه په خپل پیغام کې د قطر د دولت امیر، شیخ تمیم بن حمد آل ثاني، د ارواښاد کورنۍ، د قطر دولت او ملت ته د دې سترې ضایعې له امله ژوره خواخوږي او تسلیت وړاندې کړ او ورته یې د صبر او زغم هیله وکړه.
ډاکټر عبدالله عبدالله همدارنګه د لوی خدای له درباره د ارواښاد شیخ حمد بن خلیفه آل ثاني لپاره د بښنې، مغفرت او لوړو درجو دعا وکړه.
لیکواله:سلیمه آریایي
