د اسلامي جمهوريت پخوانی مشر،علي خامنه یي، د جمعې په سهار د مشهد ښار د امام رضا په حرم کې خاورو ته وسپارل شو. د ښخولو له مراسمو مخکې، د هغه مشر زوی مصطفی خامنهاي د خپل پلار پر جنازې د مړي لمونځ ادا کړ.
د علي خامنهاي د جنازې او ښخولو مراسم له ۱۳۱ ورځو وروسته پای ته ورسېدل. د هغه د جنازې مراسم تر مشهد مخکې په تهران او قم ښارونو کې، او همدارنګه د عراق په نجف او کربلا ښارونو کې ترسره شوي وو.
د جنازې او ښخولو د مراسمو پر مهال، مجتبی خامنهاي، د علي خامنهاي دوهم زوی، په هېڅ یوه مراسمو کې حاضر نه شو. د هغه نه حاضرېدو په رسنیو او ټولنیزو شبکو کې د هغه د روغتیايي حالت یا ژوندي پاتې کېدو په اړه بېلابېلې اټکلونه راپورته کړي دي.
تر دې مخکې ځینو رسنیو راپور ورکړی و چې مجتبی خامنهاي د سپاه پاسداران په سپارښتنه په هېڅ یوه د خپل پلار د جنازې او ښخولو مراسمو کې ګډون نه کوي. خو تر اوسه د اسلامي جمهوريت چارواکو یا د رهبرۍ دفتر د هغه د نه حاضرېدو د علت په اړه رسمي وضاحت نه دی ورکړی.
لیکواله:سلیمه آریايي
