ځایي سرچینې وایي، د افغانستان د کرکټ درې پېژندل شوې څېرې بلال سمیع، سلیم ساپی او ضیاء الرحمن د خوست پر لار په یوه ټرافیکي پېښه کې له مرګه روغ وتلي دي.
د سرچینو په خبره، دوی د افغان کرکټ پخواني چټک توپاچوونکي ارواښاد شاپور ځدراڼ د جنازې له مراسمو وروسته خوست ته روان وو، چې د «تېرې کنډو» په سیمه کې یې موټر ټکر وکړ.
سرچینې زیاتوي، په دې پېښه کې چاته ځاني زیان نه دی اوښتی او درې واړه د الله په فضل روغ او جوړ دي.
د یادونې وړ ده، د تېرې کنډو لاره د سختو تاوونو او غرني جوړښت له امله د ټرافیکي پېښو له خطرناکو لارو څخه ګڼل کېږي او وخت ناوخت پکې ورته پېښې رامنځته کېږي.
لیکوال:سعید سمیر
